Le texte de cette page a été corrigé et est conforme au fac-similé.
| Docilité. | Diligence. |
|
|
| Doctrine. | Devotion. |
|
|
Docilité.
Ette jeune Fille ſimplement veſtuë, ayant vne Pie
ſur la teſte, vn Miroir deuant elle, & les bras ouuerts,
eſt le vray Embleme de la Docilité. Son veſtement
ſimple, monſtre qu’elle ſe rend ſouple à toute ſorte
de diſciplines ; la Pie, ou le Perroquet perché ſur ſon chef,
Qu’on ne luy enſeigne rien, qu’à meſme temps elle ne taſche
de le retenir, à l’exemple de ces Oyſeaux ; & les bras ouuerts,
qu’elle eſt ſuſceptible de tout ce qui luy eſt repreſenté par l’intellect,
comme le Miroir de toutes les formes qu’on luy oppoſe.
