Le texte de cette page a été corrigé et est conforme au fac-similé.
Poeme pastoral.
L eſt repreſenté par vn ieune Berger, d’vne beauté
naturelle & ſans fard, tenant d’vne main vne
Fluſte à ſept tuyaux, & de l’autre vne Houlette,
auec cette deuiſe, Paſtorum carmina ludo. Comme
s’il diſoit,
Ie m’entretiens des chanſons des Bergers.
Poeme satyriqve.
N le dépeint ſans habillement, auec le viſage d’vn
rieur, vn Thyrſe en la main gauche, & vn eſcriteau
en la droite, où ſe liſent ces paroles, Irridens
cuſpide figo. Comme s’il vouloit dire à peu prés,
ie raille & picque tout enſemble.