patiemment, & à ſe mortifier ſans murmure ; Car, comme dit Plaute, In Milit.
En tous euenemens, en tout temps, en tous lieux,
Il doit ſçauoir dompter & ſes mains & ſes yeux.
Son habit court, ſes pieds nuds & aiſlez, & les Eſpines qu’elle foule ſignifient, Qu’encore qu’on ſoit de condition ſeruile, il ne faut pas laiſſer toutesfois de ſe reſoudre à ſouffrir les incommoditez qui s’y rencontrent, & de ioindre la promptitude à la vigilance, qui eſt icy denotée par la Gruë, & recommandée en termes exprés par noſtre Seigneur Ieſus-Chriſt, quand il dit, Que bien-heureux ſont les ſeruiteurs que leur Maiſtre ne treuue point endormis à ſon arrivuée.
Sincerité. CLV.
L ne s’en peut faire de peinture plus naïſue que
celle-cy, repreſentant vne fille veſtuë de gaze d’or,
& qui tient vn Cœur en la main gauche, & en la
droite vne Colombe.
La Colombe & la Robe d’or ſignifient, Que la vraye Sincerité n’eſt pas capable d’aucune feinte ; Et le Cœur qu’elle porte en ſa main, Que l’homme à qui l’integrité de ſa vie ne fait rien craindre, tient ſi fort dans l’indifference que ſes actions ſoient eſclairées, qu’il les manifeſte luy-meſme, & met à deſcouuert l’interieur de ſon cœur, ſçachant bien qu’il ne peche que le moins qu’il peut volontairement, & par vne malice noire.
Quelques autres habillent cette Vertu d’vne Robe extremement deliée, & la couurent d’vn voile blanc. Ils veulent de plus, Qu’elle ait les cheueux eſpars à la nonchalance, le ſein deſcouuert, & vn Caducée, ſur lequel vne Colombe eſt perchée.
Soing. CLVI.
Ien qu’il face ordinairement les perſonnes vieilles &
laides, il ne laiſſe pas toutesfois de paroiſtre icy également
agreable pour ſa ieuneſſe & pour ſa beauté. Car
il ne peut de meilleure grace s’eſleuer en haut auecque ſes
aiſles, ny tenir plus adroitement qu’il fait deux Horloges de
