Et les agreables chanſons,
Par qui leurs doctes nourriſſons
Sçauent charmer les deſtinées,
Recompenſent vn bon accueil
De loüanges, que les années
Ne mettent point dans le cercueil.
Sa Robe eſtoillée eſt vn ſymbole de la Diuinité, puiſque ſelon les Poëtes, ce bel Art tire ſon origine du Ciel ; & ſes Mammelles pleines de laict ſignifient la fecondité des penſées & des inuentions, qui ſont l’ame de la Poëſie.
Elle eſt penſiue & toute enflammée, pour faire voir, Que le Poëte a l’ame touſiours pleine d’vn feu qui luy eſt inſpiré d’en faut, & qui luy eſchauffe l’imagination, lors qu’il eſcrit ſur quelque ſujet.
On luy fait tenir vne Lyre d’vne main, & vne Fluſte de l’autre, pour ſignifier le genre Lyrique, & le Paſtoral ; Comme le troiſieſme, à ſçauoir l’Heroïque, le plus haut & le plus noble de tous, eſt denoté par vne Trompette : Et peut-on bien croire, Qu’on s’eſtudie en vain d’y exceller, ſi l’on n’a ce merueilleux Genie que la Nature nous donne, ſuiuant ce dire ordinaire, Que nous naiſſons Poëtes, & ſommes faits Orateurs.
