Ezéchiel, 36 teſmoigné par ces paroles, Ie feray que vous enſuiurez mes preceptes, & garderez mes iugemens, &c.
Elle tient de plus vne Hermine en l’autre main, pour vne marque de pureté ; Car comme ce petit animal aime mieux mourir que ſe ſoüiller tant ſoit peu ; nous voyons de meſme que Dieu oſte la vie au Predeſtiné, pluſtoſt que de permettre qu’il ſe ſaliſſe des ordures de l’obſtination, conformément à La Sagesse, 04 ces paroles de l’Eſcriture, Il a eſté emporté, de peur que la malice ne changeaſt ſon entendement.
Preeminence de rang. CXXIX
Lle nous eſt icy demonſtrée par vne Femme
majeſtueuſe, qui a ſur le haut de la teſte l’oiſeau
qu’on appelle Roitelet, & qui de la main droite
s’oppoſe aux efforts d’vne Aigle, afin d’empeſcher
qu’elle ne s’eſlance en haut, pour oſter à ſon riual la place qu’il
a priſe.
Lib. 8. cap. 25. Cap. 80 Le Roitelet, dont il eſt parlé dans Ariſtote, & dans Pline, eſt de cette eſpece d’oiſeaux que Suetone dit auoir preſagé la mort de Ceſar : Car la veille des Ides de Mars il y en eut vn qui eſtant volé dans la Cour de Pompée auec vn petit rameau de Laurier qu’il portoit au bec, fut mis en pieces par d’autres oiſeaux, qui depuis le bois prochain l’auoient touſiours pourſuiuy. Par où l’on peut voir, que cét oiſeau tout petit qu’il eſt, ne laiſſe pas d’auoir de la Preéminence ſur les autres ; ce qui Hiſt. an. lib. 9. c. 1 eſt cauſe, comme le remarque Ariſtote, de l’antipatie qu’il y a entre luy & l’Aigle ; Car elle qui eſt grande & forte, ne peut ſouffrir qu’vne choſe ſi petite & ſi foible luy ſoit comparée : En quoy l’imitent aſſez ſouuent les hommes ambitieux, qui ſe voyant bien auecque la fortune, peuuent à peine endurer que les plus vertueux & les plus Nobles, qu’ils ſurpaſſent en credit & en richeſſes, aillent du pair auec eux. Mais la preſeance, ſi ie ne me trompe, ne ſe doit point oſter aux gens de merite, bien que la fortune les traitte mal, pour la donner à ceux qui n’en ont point : Et voila pourquoy l’Aigle eſt icy au deſſous du Roitelet, duquel elle eſt ennemie.
