lement hardy, il ſe precipite dans les perils, ſans qu’il ſemble les apprehender.
La picqueure que luy fait le Serpent, lors qu’il y penſe le moins, & qu’il marche ſur les fleurs, apprend à l’homme, Qu’au poinct qu’il s’imagine que la Fortune luy rit le plus, il eſpreuue tout le contraire, & ſe void en vn moment expoſé à quelque aduenture tragique & inopinée.
Par le Roſeau qui luy ſert d’appuy eſt demonſtrée la fragilité de noſtre vie, qui de moment en moment eſt agitée de nouuelles tempeſtes ; ce qui procede aſſeurément de l’imprudence de l’homme, qui ſe fonde la pluſpart du temps ſur des choſes caduques & periſſables, au lieu de s’appuyer ſur celles qui ont vne aſſiette ferme & ſolide.
En vn mot, la foudre qui menace ce miſerable ieune Homme ſert à nous apprendre, Que nous ne ſommes pas ſeulement expoſez à vne infinité de dangers, & ſur la terre, & ſur l’onde ; mais ſujets encore aux influences des Cieux, ſelon qu’il plaiſt à Dieu de les faire agir ; car il permet quelquefois que nous ſoyons chaſtiez pour nos demerites, qui ſont cauſe des diſgraces qui nous arriuent ; eſtant certain, comme dit ſainct Paul, Que le peché engendre la mort : d’où il faut conclure, que les puiſſances humaines, quelques grandes qu’elles ſoient, ne peuuent s’oppoſer à celuy qui a mis des bornes, & donné des loix à toutes les choſes qu’il a créées.
Perspective. CXXIII.
’Est vne Dame extremement belle, & qui porte au
col vne chaine d’or, où pend vn œil en lieu de joyau.
Auecque cela elle tient en la main droite vne Regle, vn
Eſquiere, vn Plomb, vn Miroir ; & en la gauche deux Liures, qui
portent pour inſcription le nom de Ptolomée, & de Vitellion.
Comme cette partie de Mathematique n’eſt pas moins vne Fẽme extremement belle. Et d’autant qu’elle tire ſon nom de la veuë, c’eſt pour cela qu’elle porte vn œil attaché à vn chainon, eſtant veritable qu’elle ſe fonde entieremnt ſur les eſpeces viſibles.
Cela ſe demonſtre encore par les diuers inſtrumens qu’elle porte en main, qui font voir ſes differentes operations. Mais elles ſe remarquent ſur tout dans le Miroir, où il ſe fait refle-
