diuers païs : Car il ſe void dans Eutrope, Qu’vn certain Sidonius fut inuenteur des meſures & des poids, au temps que Procax regnoit en Albanie, Aza en Iudée, & Ieroboam en Ieruſalem. Ce qui s’entend neantmoins des choſes liquides & menuës : Mais comme les opinions ſont differentes, Gellius en attribuë l’inuention à Palamede, & Pline à Fidon Argien, qui fut le dixieſme Roy des Eliens, en ſuitte du grand Hercule, qui ſurpaſſa tous les autres Princes de ſon temps : ce qui a donné lieu, ſi ie ne me trompe, à la meſure Fidonienne, qui eſtoit faite d’eſtain, de fer, & de ſemblable matiere, que le marteau pouuoit rendre ſouple.
Mais pource que les outils repreſentez en cette figure, ſont ceux dont on vſe à meſurer la terre, c’eſt dequoy nous parlerons particulierement. Il faut donc ſçauoir, Que le premier Lib. 2 qui s’en ſeruit à la partager, fut vn certain Egyptien, qu’Herodote nomme Soſoſtre Roy d’Egypte. Celuy-cy ayant diſtribué à chacun de ſes vaſſaux vne égale portion de terre, les mit tous à la taille, dont l’impoſition fut annuelle. Que s’il arriuoit de fortune, que quelqu’vn d’entr’eux eut ſouffert du degaſt en ſes terres par vn deſbordement d’eau, il luy faiſoit rabattre de la ſomme à laquelle il eſtoit taxé, à l’égal de la perte qu’il ſe trouuoit auoir faite. Ainſi la connoiſſance de la Geometrie vint premierement d’Egypte, d’où elle paſſa depuis en In Enc. Geom. Grece : ce qui fait dire à Cardan, Que Tales le Mileſien en traça les premieres lignes dans Athenes. Voila ce que diſent les Autheurs, quand ils parlent de cét Art. Ils ne conſiderent pas neantmoins, que l’origine en eſt incomparablemnet plus ancienne Lib. 1. Ant. c. 2 qu’ils ne la font : car, ſelon Ioſephe, Caïn premier enfant d’Eue, diuiſa la terre, à laquelle il mit des bornes, & baſtit Geneſ. 4. la ville d’Enoch, dont il eſt parlé dans l’Eſcriture : ce qu’il n’euſt pû faire apparemment, ſans aucunes meſures, ny ſans auoir connoiſſance de la Geometrie.
Or de tous les inſtrumens que nous eſtalons en cette Figure, il n’y en a pas vn qui ne ſoit pris des anciennes inſcriptions. Le premier eſt le pied Romain, d’où ſont tirées les principales meſures, comme l’Aulne, l’Orgie, la Perche Geometrique, & ainſi des autres, dont il eſt parlé au long dans les eſcrits du Demenſ. in Plin. l. 35. c. 14 docte Budée, d’Habaldus, d’Ermolaüs Barbarus, & de leurs ſemblables.
La Meſure appellée Decempeda, pource qu’elle eſtoit longue
