animaux, comme le remarque Feſte Pompée, ſont fort vigilans, & qu’il faut que les Medecins le ſoient auſſi. D’ailleurs, ç’a eſté de tout temps qu’on a pris le Serpent pour vn vray ſymbole de ſanté. Car comme il ſe raieunit en poſant ſa vieille peau ; Il ſemble de meſme, que les hommes ſe renouuellent en gueriſſant de leurs maladies.
Et d’autant qu’il eſt mal-aiſé de reüſſir en la Medecine, cette difficulté ſe demonſtre par le Baſton noüeux, enuironné d’vn Serpent, que l’ont tient auoir eſté la deuiſe d’Eſculape.
Memoire. XCVI.
E n’eſt pas ſans myſtère qu’on luy donne icy
deux viſages, & vne robe noire, auec vne Plume
en la main droite, & vn Liure en la gauche.
La Memoire a vn double viſage, pource qu’elle eſt vn don particulier de la Nature, d’autant plus conſiderable, que par ſon moyen, & par les regles de la Prudence, elle comprend toutes les choſes paſſées, & celles de l’aduenir.
Le Liure & la Plume qu’elle tient, nous apprennent, Que la Memore ſe rend pafaite par l’vſage, qui conſiſte principalement en l’eſcrit, ou en la lecture des Liures.
Outre ces choſes, il y en a qui mettent vn Chien noir à ſes pieds, pour deux raiſons aſſez fortes. La premiere, à cauſe que le noir, ſignifie fermeté & longue durée, ce qui appartient à la Memoire, le propre de laquelle eſt de bien retenir les formes des ſens. La ſeconde, pource que l’experience continuelle nous fait voir, Que le Chien eſt vn animal qui ſe ſouuient de fort loing. Car ſi du lieu où il a eſté nourry, on le mene en vn païs eſtranger, il retrouue le chemin de luy-emeſme, & s’en retourne facilement : A quoi ſert d’exemple le Chien d’Vlyſſe, qui apres vingt ans d’abſence, reconnut ſon Maiſtre, quand il fut de retour en ſon païs. Et poſſible eſt-ce pour cela, que dans Platon le ſage Socrate jure par le Chien, que Phedre auoit appris par cœur toute la harangue que Lyſias auoit compoſée.
Quelques Anciens l’ont repreſentée par vne Femme d’aage mediocre, la coëffure de laquelle eſt enrichie de pierrerie & de perles : Mais ils la rendent ſur tout fort remarquable par ſon
