Lovange. XV.
Ette Femme doüée de tant de beautez, & ſi proprement
veſtuë d’vne robe blanche, eſt la figure de
la Loüange. Elle porte ſur le ſein vn goyau de Iaſpe,
luiſant & de couleur verte ; à la teſte vne Guirlande
de roſes, en la main droite vne Trompette dont elle
ſonne ; & de la gauche qu’elle tend, elle ſemble faire ſigne, &
monſtrer quelque perſonne particuliere.
On la peint belle, pource qu’il n’y a point de charmes ſi agreables que les ſiens, ny point de concerts ſi doux à l’oreille, que ceux qui ſe forment de ſes paroles.
Son habillement eſt blanc, d’autant que la vraye Loüange doit eſtre pure, & mortelle ennemie des artifices de la Flaterie ; Surquoy il eſt à propos de remarquer, Que l’humaine Loüange eſt de deux ſortes, à ſçauoir, ou vraye, ou fauſſe. La vraye, eſt celle qui ſe donne legitimement aux hommes vertueux ; Et la fauſſe, celle qui s’attribuë malicieuſement aux perſonnes vicieuſes. De la premiere doiuent eſtre honorez ceux qui s’en rendent capables par leurs bonnes qualitez, qui ſont par exemple, l’integrité de vie, la douceur d’eſprit, la franchiſe, la doctrine, la ſageſſe, & autres choſes ſemblables ; mais principalement la crainte de Dieu, la charité enuers le prochain, & la pureté de cœur ; D’où vient qu’il eſt dit dans l’Eſcriture, Que l’homme ſage ſera combla de benedictions, & loüé de ceux qui le verront ; Et en vn autre endroit, Que la Loüange n’eſt pas bien ſeante en la bouche du pecheur. A quoy ſe rapporte encore le dire du Philoſophe, Qu’il n’eſt pas moins honteux d’eſtre loüé par des infames, que ſi on l’eſtoit pour des choſes deshonneſtes. Le joyau de Iaſpe qui pend à ſon col, eſt vn ſymbole de la Grace, ſelon les Naturaliſtes, qui diſent, Que par vne vertu ſpecifique, cette pierre rend agreable, & fait loüer celuy qui la porte.
Et d’autant qu’il n’eſt point de fleur, ny plus belle, ny de meilleure odeur que la roſe ; on luy donne vne Guirlande, pour demonſtrer la Loüange humaine, qui eſt comme vn doux parfum à ceux qui la reçoiuent, & la Diuine encore plus. Car comme la Couronne eſt vne figure ronde, qui n’a ny
