irraiſonnables : Car il n’y en a point, qui ne cherchent naturellement d’engendrer ſelon leur eſpece, ſans que toutefois elles en eſperent aucune vtilité. Or eſt-il que ç’en eſt vne bien grande, que d’auoir des enfans qui ſoient gens de bien ; comme Lib. 7. c. 44. Ariſtote le prouue en ſa Rhetorique : Ce que Pline encore dit eſtre vn des plus hauts points de l’humaine felicité, par l’exemple qu’il rapporte là deſſus de Cecilius Metellus le Macedonien, qui eut quatre fils eſleuez aux plus hautes charges de Rome, comme ayant eſté Preteurs, Conſuls, & Cenſeurs ; A quoy il adiouſte, Qu’au temps d’Auguſte, Caius Criſpinus fit vn ſacrifice ſolemnel au Capitole, auec neuf de ſes enfans, à ſçauoir, ſept Garçons, & deux Filles, vingt-ſept Nepueux, neuf Niepces, & vingt-neuf arriere-Nepueux. Ie ne parle point ny de Cornelie, de la maiſon des Scipions, d’où naſquit Voluſius Saturninus, qui fut Conſul auec l’Empereur Domitian ; ny de la Mere des Gracques, à qui ſelon Pline, vne grande Dame ayant vn iour fait monſtre de ſes joyaux, elle luy fit voir douze beaux Garçons, qu’elle auoit, luy diſant de bonne grace, que c’eſtoient là ſes plus precieux threſors ; Tellement qu’on peut bien aſſeurer, que cette felicité des Familles eſt ſi grande, qu’elle paſſe des particuliers à tout le public. Auſſi ordonna-t’on anciennement dans Rome, Que celuy qui ſe trouueroit auoir plus d’enfans, auroit par conſequent plus d’honneur, & ſeroit preferé aux autres en la dignité Conſulaire.
Elle eſt couronnée de fueilles de Cheneuiere, pource que cette herbe, dont la ſemence eſt fort menuë, & qui multiplie d’elle meſme, ſans qu’on apporte preſque point de ſoin à la cultiuer, deuient ſi grande & ſi forte, qu’elle ſouſtient les oyseaux qui s’y perchent.
Que ſi l’on demande à quel propos on luy fait tenir en main vn nid de Chardonnerets, l’on en trouuera la reſponse dans Lib. 10. c. 63. Pline. Car en ce meſme endroit de ſon Liure, où il dit, Que tant plus vn animal eſt grand, tant moins il eſt fecond, comme il ſe void par l’exemple des Chameaux, & des Elephans ; il remarque tout au contraire, Que des œufs du Chardonneret, qui n’eſt qu’vn petit oyſeau, il s’en eſcloſt iuſques à douze.
Pour cette meſme raiſon, elle a vne Poule à ſes pieds, à cauſe que cét oyſeau domeſtique eſt ſi fecond, que d’vn ſeul
