refuſent point la peine. Les laſches & eſt ourdis
ne ſcauẽt ny endurer le mal, ny recouurer le biẽ,
& s’arreſt ent en cela de le ſouhaiter. La vertu
d'y pretendre leur eſt oſt ee par celle laſcheté : le
deſir de l’auoir, leur demeure par la nature. Ce
deſir, ceſt e volõté, eſt commune aux ſages & aux
indiſcrets, aux courageux, & aux couards, pour
ſouhaiter toutes choſes, leſquelles eſt ans acquiſes,
les rendront heureux & contens. Vne ſeule
choſe en eſt à dire, en laquelle, ie ne ſcay comme
nature defaut aux hommes pour la deſirer, c’eſt
la liberté, qui eſt toutefois vn bien ſi grand & ſi
plaiſant, qu’elle perdue, tous les maux vienent à
la file, & les biens meſmes qui demeurent apres
elle, perdent entierement leur gouſt , & ſaueur,
corrompus par la ſeruitude,
La ſeule liberté, les hommes ne la deſirent
point, non pas pour autre raiſon (ce ſemble) ſinon
que s'ils la deſiroyent, ils l’auroyent : comme
s'ils refuſoyent faire ce bel acquet, ſeulemẽt par
ce qu'il eſt trop aiſé.
Poures & miſerables François, peuple inſenſé!
nation opiniaſt re en ton mal, & aueuglee en
ton bien! vous vous laiſſ ez emporter deuãt vous
le plus beau, & le plus clair de voſt re reuenu, piller
vos chãps, voller vos maiſons, & les deſpouiller
de meubles anciens & paternels, vous viuez
de ſorte, que vous ne vous pouuez vãter que rien
ſoit à vous. Et ſembleroit que meshuy, ce vous
ſeroit grãd heur, de tenir à meſt ayrie vos biens,
vos familles, & vos vies. Et tout ce deſgaſt , ce
mal-heur, ceſt e ruine, vous vient non pas des en-