tu deſcouures mes ſecrets, Bougre, ie me donne,
&c.
Ce poure vilain du Peron ſe voyant ainſi rudoyé,
plus mort que vif & tout tremblant, commença
à reſpondre au Sire, que iamais il n’auoit
penſé ſeulement d’en ouurir la bouche : le ſuppliant
de le faire pendre, s’il trouuoit qu’il ne fuſt
ainſi.
Le tyran ne ſachãt que dire, s’en alla lors trouuer
ſon frere, luy demandãt s’il n’auoit point parlé
à quelcun de ceſt affaire. Et comme ſon frere,
en le ſuppliant de luy pardonner, luy euſt confeſſ é
qu’il s’en eſt oit deſcouuert à Lignerolles, &
non à autre, le cognoiſſ ant homme ſecret & de
diſcours, afin d’en auoir ſon auis pour mieux executer
le cas. I’ay bien cognu, dit le tyran, que quecun
luy auoit parlé : vous m’auez fait vn deſplaiſir
qui me gardera de vous rien plus dire : quant à Lignerolles,
c’eſt vn ſot, il faut qu’il meure. Car eſcoutez
ie ne veux pas qu’il en ouure iamais la
bouche.
Le duc d’Aniou, cognoiſſ ant ſa faute, celle de
Lignerolles & la cholere du tyran, ne ſceut autre
choſe que dire, ſinon qu’il ne s’y oppoſoit pas.
Dés ceſt e heure-là le tyran ayant fait venir à ſoy
ſon frere baſt ard le Cheuallier, luy cõmanda d’aller
trouuer le ieune Villequier, de luy fournir ſix
ou ſept bons hommes pour eſcorte, & luy dire de
ſa part que par le ſang il eſt oit laſche, couard &
recreu de courage, s’il n’eſſ ayoit à auoir raiſon
de Lignerolles, qui luy auoit fait tort.