ble au refuſant. L’exemple de la mort de Philippe,
pere d’Alexandre, ſuffira pour tous : Le deſeſpoir
où tous les ſuiets ſe voyent ſans eſperance
de protection de leur Roy, les contraint d’aller
cercher leur ſeureté ailleurs.
Or eſt-ce le pire conſeil qu’vn Prince peuſt auoir,
de delaiſſer en deſeſpoir ſes principaux ſeruiteurs,
& les contraindre d’aller cercher leur
protection, ailleurs qu’à ſon Prince naturel.
Si l’on s’amuſe à l’opinion que l’on aura de la
punition qui ſe feroit : C’eſt choſe trop vaine,
que les opinions, & rumeurs des hommes, pour
les mettre deuant le ſalut : Fabius Maximus n’en
eſtoit pas d’auis : Auſsi, quiconque s’arreſte à cela,
il monſtre n’auoir guere droicte intention.
Ce bon Empereur d’Antonin, aduertiſſoit les
Proconſuls qui alloyent aux prouinces, de n’affecter
en la iuſtice, reputation ny de ſeuerité, ny de
clemence : car l’vne , & l’autre affection, deſuoyent
du droict ſentier de la iuſtice.
Ceux qui iugeront ſainement, & ſans paſsion
de ceſt affaire, ne pourrõt eſtimer la royne d’Angleterre
que treſ-iuſte Princeſſe, treſ-ſage, &
bien zelee au ſalut de tout ſon peuple, & à la
deffenſe & propagation de la vraye Religion
Chreſtiene.
Ceux qui en iugeront par affection, & contre
la raiſon, ne meritent qu’on ſe ſoucie de leur iugement,
ny qu’on diſpute auec eux par raiſon,
veu qu’ils la banniſſent de leur iugement, par leur
paſsion particuliere.
Page:Reveille-matin des François, 1574.djvu/253
Le texte de cette page a été corrigé et est conforme au fac-similé.
47
D I A L O G V EI I.
