de la crainte d’vne guerre externe, à vne conſpiration
inteſtine.
Nous auons dit qu’en affaires d’eſtat, il faut
regarder ſi ce qu’on propoſe eſt iuſte, & vtile au
public : les autres reſpects de clemence, de libéralité,
de generoſité particuliere, doyuent touſiours
ceder à l’vtilité publique : mais il y a encores vn
tiers, qui ſurmonte tous autres : C’eſt vne neceſsité
publique. Celle-la eſt preferee quelquefois
aux loix diuines ceremoniales. Les Machabees
qui ne voulurent combatre au iour du
Sabbath, demourerent enſeigneurs à leurs ſucceſſeurs,
de faire ceder les ceremonies diuines, à
la neceſsité.
Les Romains diſent, que leurs maieurs auoyent ſouuent
preferé la neceſsité, à la Religion :
Les loix politiques luy cedent. Caton qui en a eſté
le plus rude obſeruateur, le perſuada au Senat
en la queſtion Catilinaire : aufsi le ſalut du
peuple, eſt la ſouueraine Loy d’vn eſtat : car alors,
la neceſsité publique fait licite ce qui autrement
ne l’eſtoit point : A plus forte raiſon ſera-elle
preferee à vne douceur, qui n’eſt que volontaire :
& à vne clemence, qui traine auec ſoy
la ruine de l’eſtat.
Que la neceſsité, & ſalut publique ſoit en ceſt
endroit, il eſt aſſez aiſé à iuger, par ce que deſſus,
où il a eſté monſtré que ceſte conſpiration
n’apportoit pas ſeulement changement d’eſtat,
mais ruine de Religion.
Il ne reſte donques, que de bien fonder la verité,
& certitude du delict : Et auoir intention
Page:Reveille-matin des François, 1574.djvu/249
Le texte de cette page a été corrigé et est conforme au fac-similé.
43
D I A L O G V EI I.
