dont apres l’ire des dieux (comme ils diſent) fut telle contre Rome, qu’ils donnerent la Cité en proye aux François, & ne leur reſta de tout leur Empire que la petite tour du Capitole. Demades ambaſſadeur des Atheniens à Antipater, eſcriuoit des letres à Antigonus, pour venir prendre Macedoine & l’Empire de Grece qu’il diſoit ne tenir qu’à vn filet vieil & pourry, pource que Antipater eſtoit vieil. Caſſander le fit mourir cõme traiſtre. Les ambaſſadeurs des Perſes venus à Amyntas, roy de Macedone, voulurent violer ſes concubines : Alexander ſon fils leur ſuppoſa des garſons qui les tuerent. Antonius fit donner les eſtriuieres à vn ambaſſadeur de Ceſar, & apres le luy enuoya, diſant qu’il auoit parlé trop ſuperbement. Que ſi le ſenat Romain a iugé les ambaſſadeurs des Tarquins eſtre inuiolables par le droict des gens, combien qu’ils euſſent conſpiré contre la Republicque : ç’à eſté parce qu’ils ne faiſoyent autre, que la charge que leur maiſtre leur auoit baillee : mais ils en voulurent bien punir le maiſtre de ce qu’ils pouuoyent : Car combien que auparauant ladicte conſpiration le Senat euſt accordé de rendre aux Tarquins tous leurs meubles, ſi eſt-ce qu’apres ladicte conſpiration deſcouuerte ils les declarerẽt confiſquez & execrables auſsi. La conſequence n’eſt pas bonne, ce qui eſt permis à vn ambaffadeur, ſera permis au maiſtre : car les ambaſſadeurs ne ſont pas inuiolables, pource qu’ils repreſentent leurs maiſtres : Ains au contraire, les ambaſſadeurs qui vienent
de la part de ceux qu’on voudroit le plus offenſer
