en vn autre ſucceſſeur qui ſeroit fils, ne peut arreſter l’ambition qu’elle a d’empieter le Royaume.
Item elle eſt eſtrangere de religion, qui eſt la
pire qualité de toutes, d’autant meſmes, qu’elle a
(comme i’ay entendu dire, les partis pieça dreſſez
dans le Royaume, tellement qu’il n’y eſcherroit
que le coup de l’execution.
La retention donques d’vn tel ſucceſſeur ne
peut eſtre que treſdangereuſe à tout eſtat : Et au
contraire l’extermination fort vtile & au grand repos
& trãquillité d’iceluy, de ſorte qu’on ne peut
douter que ce ne fuſt vn grand bien à ce Royaume
de luy oſter ceſte eſpine du pied, qui ne ceſſe de le
troubler & picquer : Et de s’expoſer au peril, qu’õ
peut facilement & par moyens licites euiter, pour
apres eſſayer d’eſtre ſauuez par quelque voye miraculeuſe
de Dieu, & aimer pluſtoſt demourer
touſiours en danger, en retardant ou refuſant iuſtice,
que s’aſſeurer de ſon ſalut auec la iuſtice.
Cela s’appelle en bon Frãçois, Tenter Dieu trop
vilainement.
L’hi. Tu en parles bien à ton aiſe & ainſi comme
tu l’entens : Mais ie me doute bien l’amy que ſi tu
tendois vne oreille à l’accuſee & à ſes droits, que
pofsible tu pourrois faire vne toute autre
concluſion.
Le pol. Ia à Dieu ne plaiſe que ie tende l’oreille à
ceſte bonne Dame-là : I’entens qu’elle a trop de
moyens pour corrompre les plus parfaits. Mais ſi
ſerois-ie bien aiſe d’eſtre en lieu où ſon faict fuſt
traité, pour en dire ce qu’il m’en ſemble.
L’hi. Tu en as deſia dict aſſez pour te garder d’en
