Cette page a été validée par deux contributeurs.
L’Astrologue.
Chascun, je congnoys ta douleur :
Tu es vuydé, je le voy bien.
Chascun.
Sy vuydé que je n’ay plus rien.
Je ne sçay quelz appoticaires
M’ont donné de si grans clistaires
Qu’il ne m’est peu riens demeurer.
Le Prince.
Du remide ?
L’Astrologue.
Prince, se estes vous qui debvez
Penser de Chascun.
Secundus.
Ceste charge.
Primus.
L’intention du noble prince
Doib estre singulierement
A garder curieusement
Chascun.
Secundus.
Tant que a Chascun puisse complaire
En raison principalement.
Le Prince.
Je veulx qu’on donne amendement
A chascun qui a enduré.
Chascun.
J’ay bien enduré vrayement ;