228
EXTRAIT DE LA CHRONIQUE DE NORMANDIE.
,Vn. 1066.
Reg. fort.
matin se partirent de Somme et arriverent au port de Hastingues en Engleterre A et fist le Duc Guillaume approchier et joindre à terre de la marée toutes ses nefs et atachier les unes aux aultres. Et quant la marée fut retraite et la navire demourée à sec sur la grève, lors descendirent premiers les archiers lesquels estoient court vestus et tondus par dessus les oreilles. Après yssirent les gens d’armes tous armez et tous prests à combattre, et se mistrent en batailles sur la rive de la mer. Après mist-Fen hors sommages chevaulx vivres et toutes choses communes puis yssirent charpentiers mâchons et ouvriers de bras qui mistrent hors trois chasteaulx de bois que le Duc avoit fait cherpenter et ordonner tous prests pour asseoir. Et après yssi le Duc ; et si comme il mist pied à terre, le pié lui failly, et convint que il mesist ses deux mains à terre, dont aulcuns distrent que c’estoit mauv ais signe et il dist tout hault « Sachiez que c’est la saisine de ceste terre » que Dieu m’a fait prendre à deux mains, et que à l’ayde de Dieu et de vous B » mes amis, je la conquerray, et qui la me contretendra par la resplendeur » Dieu il y aura bataille ». Et adonc l’un de ses chevalliers ala à la couverture d’une maison couverte de feurre et en print une poingnie qu’il tendit au Duc disant « Sire, je vous baille la saisine de ce royaume, et vous promets que « ancois qu’il soit ung an, je vous en verray seigneur, ou je serai mort » Le Duc moult l’en mercia et puis commanda le diner à aprester. Dont veissiez feux alumer cuisine faire et varlets par villes et hameaulx fuir et pourchasser ce que bon leur estoit. Le Duc fist disner avec lui de ses Barons pluseurs, si lui va souvenir que à S. Wallery avoit ung Clerc qui se faisoit devineur ; qui lui avoit dit que seurement il passeroit la mer et ne se combatteroit point, et que Herault lui donroit et offreroif tant, que il lui lairoit le royaume et que il le tendroit du Duc. Si demanda le Duc où le Clerc estoit et l’en lui dist que la nefs où il estoit et une aultre estoient peries et plus n’en avoit perdu le Duc en son voyage. « Par foy dit le Duc il n’est pas sage qui mieulx pense d’aultrui » proffît que du sien toutesvoies suis je passé ,Dieu sait ce qui sera du surplus. Commet le Due Guillaume fist effronder ses vaisseaux et navires. Après ce que le Duc ot disné, si assembla tous ses conseils, et ordonna que tous les vaisseaulx fussent pertuisez et effondrez, affin que nul ne s’en peust fuir, ne retourner en Northmandie. Ce fait il fist adviser trois places où il fist assoir les trois chasteaulx de bois qu’il avoit fait amener et les fist garnir de vivres, et fossoyer tout autour et mettre à défense et puis y mist des gens pour les deffendre et garder, affin que lui et ses gens, en cas de nécessité se y peussent D retraire.
Comment Hérault occist Tosty son frere, et sceut que Northmans estoient descendus en Angleterre.
. Au temps de lors advint que Her ault estant oultre la rivière du Hombre avoit tout nouvellement mis à mort un sien frère nommé Tosty. Si comme Herault estoit retourné de celle bataille et faisoit bonne chiere ung sien chevallier qui avoit veu et advisé toute l’ordonnance des Northmans, vint à lui et lui dist « Sire Northmans sont arrivez à Hastinges en vostre pays, et sont à terre et » ont fermé trois sièges de trois chasteaulx de bois et fossoyez et garnis de vivres » et destruisént et gastent vostre pays » Adonc dist Herault qu’il lui pesoit qu’il n’avoit esté à l’arriver, et que moult leur eust porté dommage et demanda au E chevallier quels gens ils povoient bien estre et il lui dist que il y avoit nombre par compte de vm cent quatre-vingt grans voilles sans les petis dont il y avoit grant foison. Lors ordonna Herault letres et messages et partout Engleterre fist crier que tous sans nul séjour venissent à lui à Londres et là il ala au plutost qu’il peut. Ou pays ot ung Baron qui moult amoit le Duc Guillaume lequel lui rt> fist sçavoir que Herault seroit prest dedens quatre jours de cent mil hommes, et qu’il s’en retournast en Northmandie si feroit que sage. Et le Duc Guillaume lui manda que s’il n’avoit que x mil combattans, et que Herault en eust Lx mil, si se combatteroit-il à lui. Quant le Duc Guillaume ot reposé et rafreschi ses gens et ses chevaulx, et sceut que Herault assembloit ses gens à Londres, si ordonna ung Moyne de Fescamp, Damp Hue Margot estoit surnommé, et
