Page:Recherches italiennes et françaises (1640) - 1.djvu/5

beaucoup plus habiles ont fait deuant moy : Ces excellentes vertus qui paroissent en vous, & ces rares qualitez qui ne sont ignorées de personne, ont tant de force et de valeur, qu’elles m’ostent le puuoir de les dire, & ie ne croy pas diminuer de leur prix en declarant ma foiblesse, & me contentant de les admirer : L’esclat de vostre illustre Nom les peut mieux exprimer que toute autre cose, & c’est de luy seul que i’attends mon plus grand aduantage, vostre aute reputation estant capable de tirer apres soy l’opinion du reste de l’Vnivers. Mais il faut pourtant que ie m’accuse de trop de licence, & vous supplie tres-humblement de me pardonner la liberté que i’ay prise de le mettre, sans autre commandement que celuy du deuoir, au frontispice de mon Œuure : Vous iugerez par cette priere combien i’e l’estime indigne du moindre de vos accueils. Qu’il passe donc pour tel auprés de vous, si plustost vostre