chiens abayent la Lune, mais ils n’õt garde de la mordre. Tel cuidera effacer vne once de mon honneur ; qu’il en raclera vne liure du ſien ; à pis faire, iouë qui voudra ; au reſte toy qui me lis, recorde roy que tu as Panurge en ton logis. Panurge qui porte vn front effronté, & ſur lequel tu peux lire le paſſe port de paſſe par tour. Eſcris pour luy, ou contre luy ce que tu voudras, il portera ſon nom par tout, voire iuſques en l’autre mõde, bon pour toy ſi tu t’en ſçais ſeruir & en faire ton proffit, auec mon baſton, tu pourras auſſi bien aſſaillir que redeſſendre. Que ſi ta foibleſſe te rend timide, ou ſi ton courage eſt par trop laſche à l’entreprinſe, donne moy à quelque autre plus hardy & mieux entendu que toy : & lors que ie repaſſeray le ſueil de ta porte, (ſi tu ne te repens) dis moy Adieu.
