tre ne vous deuance, car là bas on y fait au contraire de l’Euangile, primi ſunt primi, & nouiſſimi nouiſſimi : tellement que vous ne gaigneriez rien à l’attente. À cet effect ie vous dedie mon œuure, preferant voſtre bien au contentement de Meßieurs de la Rochelle qui vouloient auoir le tout, mais ie les ay adiurés de ſe contenter de mon original, vous reſeruant ſes coppies pour voſtre vtilité. Receuez là donc de bon œil, ie vous en prie, & la mettant ſous voſtre protection, donnez luy le paſſe-port & libre commerce parmi voſtre reformation, la deffendant de la calomnie & meſdiſance des enuieux. Elle vous apprendra le moyen de vous raieunir, ſi tant y a que deueniez vieux Miniſtres, choſe autant difficile que de voir regner vn vieux tyran ; vous dira de quelle monnoye ſe paye Charon, pour le paſſage des fleuues ; comme vous pourrez eſtre deſliurez des gorges du Cerbere; & vous donnera l’aſſeu-
