Page:Reboul - Le Premier acte du Synode nocturne, 1608.djvu/83

83

roit eſtre du tout arraché par les pretenſions de la maiſon de ceſte derniere Tribade. Car tout leur but en general, particulierement conſideré, n’eſtoit autre qu’apres auoir mis bas ledit Calianthe, ils deſiroient faire la meſme recherche pour leurs proches, & parens. Ce qui fut cauſe, que deſirant peſer ce qu’ils auoient a faire, deuant que de prendre les dernieres concluſions de leurs deliberations, & d’icelles en faire naiſtre vn arreſt definitif ; la Mere Nobié eſtant deualée de ſon throſne & toute l’aſſemblée leuée, ils prirent but en gros, de retourner au Conſeil au meſme lieu, le ſoir ſubſequent : Ce faict, & eſtãt deſia proche le iour Harpetirade ayant ouuert la porte, les ſeuls fredons aphiſtamites, accompagnés de Bagoas & de Diaulus ſortirent de la Salle & monterent dans vne autre chambre deſtinée pour leur repos : Mais attendant que les ſœurs deuſſent auſſi ſortir, & ſe retirer chacune chez ſoy excepté les aſſociées (que ie cõiecturois deuoir giſter en ce logis là meſme) ie fus trompé d’autant que contre mon eſperance elles ſe gliſſerent, conduittes par l’Abeſſe, par derriere vne des pieces de Tapiſſeries & s’enfournerent dans vne autre Salle preparée pour leur dortoir dont ie penſay à part moy que cette maiſon debuoit eſtre vne eſpece d’Academie ou pluſieurs ſortes d’exercices s’apprenoient. Quand ie veis que chacun s’eſtoit retiré, & que tous les flambeaux eſtoient eſtaints (car ie n’auois oſé ſortir dehors deuant) ie commençay auſſi à tirer vers mon logis, aiſe plus que trois ou quatre Rois, de m’eſtre rencontré à heure tant opportune pour eſtre teſmoing affide & irreprochable des inuentions myſterieuſes de ces Tribades, m’eſtant deſia

L ij