tien de quelques-vns de nos amis au dernier ſeiour
que ie feis en noſtre primitif conuent de la Baſmette,
& n’euſt eſté, à ce que l’on me diſt, que ſes folaſtres
Amours (leſquels il eut en trocque de la
lecture de ſon Cuias) en interrompirent le cours
principal, aſſeurez-vous qu’il en euſt faict dire. Il
me ſouuient de deux ou trois entre autres qui eſmeurent
bien mes poulmons à force de braire, celuy-cy
eſt plaiſant. C’eſt qu’eſtant vn iour chez la
Goüabaulde macquerelle à quatre eſtages, & de plus
de renom parmy le monde coüailleur que iadis ne fut
la Corinthienne Lais, & là culletant en frocquard &
demy vne certaine Nonne (ie dis de celles qu’ils appellent)
nommée Clere, gibier monachal toutefois,
belle à la verité, mais qui reſſembloit la chambriere
de Petrone, pour n’auoir aucune congnoiſſance de
iamais auoir eſté Vierge, arriuerent d’auẽture quelques
ſoldats de la garniſon du Chaſteau leſquels
ſurprenant ce coüailleur à l’improuiſte (n’ayant eu
meſme le loiſir de rengueſner ſon Braquemard encores
tout ſanglant) voyant qu’il n’eſtoit de leur
eſcoüade, le taſtonnerent & teſtonnerent ſi bien,
& beau qu’il n’eut enuie de roußiner de plus de ſix
heures & vn quart : ce fut le bon que deſirant ſe
venger de cet eſcorne, & pour ce eſtant allé queſmander
le ſecours de ſes camarades, tous l’aſſiſterent,
& tenant cet affront comme à eux faict, coururent
enſemble cum fuſtibus, & armis, pour attraper
ces attiediſſeurs de chaleurs bachelieres, qui ayans
donné meilleur ordre à leurs affaires, auoient fort
bien barré les portes, tellement que la fureur de
nos gens arreſtée, ils furent contraincts de s’appaiſer
en reniant, & de rebriſer ſur leurs pas pour changer
Page:Reboul - Le Premier acte du Synode nocturne, 1608.djvu/54
Le texte de cette page a été corrigé et est conforme au fac-similé.
54