Page:Raoul - Trois satiriques latins, vol 1 Juvénal, 1842.djvu/252

Incipit optare, et totis quinquatribus optat,
Quisquis adhuc uno partam colit asse Minervam ¹¹
Quem sequitur custos angustæ vernula capsæ.
Eloquio sed uterque periit orator ; utrumque
Largus et exundans letho dedit ingenii fons.
Ingenio manus est et cervix cæsa ; nec unquam
Sanguine caussidici maduerunt rostra pusilli.

O fortunatam natam, me consule, Romam ! ¹²

Antoni gladios potuit coutemnere, si sic
Omnia dixisset. Ridenda pœmata malo
Quam te conspicuæ, divina Philippica, famæ,
Volveris a prima quæ proxima. Sævus et illum
Exitus eripuit, quem mirabantur Athenæ
Torrentem, et pleni moderantem frena theatri.
Dis ille adversis genitus fatoque sinistro,
Quem pater ardentis massæ fuligine lippus,
A carbone et forcipibus, gladiosque parante
Incude, et luteo Vulcano, ad rhetora misit.

Bellorum exuviæ, truncis affixa tropæis
Lorica, et fracta de casside buccula pendens,
Et curtum temone jugum, victæque triremis
A plustre, et summo tristis captives in arcu ¹³
Humanis majora bonis creduntur : ad hæc se