Page:Raoul - Trois satiriques latins, vol 1 Juvénal, 1842.djvu/216

Quo mihi te solitum falsas signare tabellas
In templis quæ fecit avus, statuamque parentis
Ante triumphalem ? quo, si nocturnus adulter
Tempora Santonico velas adoperta cucullo ?
 
Præter majorum cineres atque ossa,volucri
Carpento rapitur pinguis Damasippus, et ipse,
Ipse rotam stringit multo sufflamine consul : ⁷
Nocte quidem ; sed luna videt ; sed sidera testes
Intendunt oculos. Finitum tempus honoris
Quum fuerit, clara Damasippus luce flagellum
Sumet, et occursum nunquam trepidabit amici
Jam senis, ac virga prior annuet atque maniplos
Solvet, et infundet jumentis hordea lassis.
Interea, dum lanatas torvumque juvencum,
More Numæ, cædit Jovis ante altania, jurat
Solam Eponam et facies olida ad præsepia pictas.
Sed quum pervigiles placet instaurare popinas,
Obvius amiduo Syrophœnix udus amomo
Currit, Idumææ Syrophœnix incola partæ, ⁸
Hospitis affectu dominum regamque salutat