Qui juris nodos et legum ænigmata solvat.
Hic petit Euphraten juvenis, domitique Batavi 4
Custodes aquilas, armis industrius : at tu
Nil nisi Cecropides, truncoque simillimus Hermæ.
Nullo quippe alio vincis discrimine, quam quod
Illi marmoreum caput est ; tua vivit imago.
Dic mihi, Teucrorum proles, animalia muta
Quis generosa putet, nisi fortia ? Nempe volucrem
Sic laudamus equum, facili cui plurima palma
Fervet, et exsultat rauco victoria circo.
Nobilis hic, quocumque venit de gramme, cujus
Clara fuga ante alios, et primus in æquore pulvis.
Sed venale pecus Corythæ, posteritas et
Hirpini, si rara jugo victoria sedit.
Nil ibi majorum respectus, gratia nulla
Umbrarum : dominos pretiis mutare jubentur
Exiguis ; trito ducunt epirhedia collo
Segnipedes, dignique molam versare Nepotis.
Ergo ut miremur te, non tua, primum aliquid da,
Quod possim titulis incidere præter honores
Quos illis damus et dabimuss, quibus omnia debes.
Page:Raoul - Trois satiriques latins, vol 1 Juvénal, 1842.djvu/208
Cette page n’a pas encore été corrigée
![](http://upload.wikimedia.org/wikipedia/commons/thumb/c/c5/Raoul_-_Trois_satiriques_latins%2C_vol_1_Juv%C3%A9nal%2C_1842.djvu/page208-1024px-Raoul_-_Trois_satiriques_latins%2C_vol_1_Juv%C3%A9nal%2C_1842.djvu.jpg)