Cette page n’a pas encore été corrigée
Il nous le fait garder jour & nuit, & de prés.
Autrement, ſeruiteur, & mon homme eſt aux Plaids.
Pour s’échapper de nous, Dieu ſçait s’il eſt allaigre.
Pour moy, ie ne dors plus. Auſſi ie deuiens maigre,
C’eſt pitié. Ie m’étens, & ne fais que baailler.
Mais veille qui voudra, voicy mon oreiller ;
Ma foy, pour cette nuit, il faut que ie m’en donne,
Pour dormir dans la ruë, on n’offenſe perſonne.
Dormons.
