LA SCIOMACHIE[1].
v troisieme iour de Feurier m. d. xlix. entre trois & quatre
heures du matin nasquit au
chasteau de Saint Germain en
Laye Duc d’Orleans,
filz puisné du Tres-chrestien
Roy de France Henry de
Valois second de ce nom, & de tresillustre Madame
Catharine de Medicis sa bonne espouse. Cestuy propre
iour en Rome par les banques fut vn bruit tout commun
sans autheur certain de ceste heureuse naissance,
non seulement du lieu & iour susdits, mais aussi de
l’heure : sauoir est enuiron neuf heures selon la supputation
des Romains. Qui est chose prodigieuse & admirable,
non toutesfois en mon endroit, qui pourrois
alleguer par les histoires Grecques & Romaines,
nouuelles insignes, comme de batailles perdues ou
gaignees à plus de cinq cens lieües loing, ou autre cas
d’importance grande, auoir esté semees au propre
& mesme iour, voire deuant, sans autheur congnu.
Encores en veismes nous semblables à Lyon pour la
iournee de Pauie, en la personne du seu seigneur de
Rochefort : & recentement à Paris au iour que combatirent
les seigneurs de Iarnac, & Chastaigneraye :
- ↑ L’édition originale, dont nous reproduisons le titre, se compose de 31 pages in-8. Elle est d’une extrême rareté. À la vente La Vallière cette précieuse plaquette ne s’était vendue que trois livres, mais en 1864, à la vente de M. Léopold Double, elle a monté jusqu’à 520 francs. L’exemplaire que possède dans sa réserve la Bibliothèque nationale est coté Ln 27 15462, On trouve un autre ouvrage sur le même sujet dans le Recueil de poésies françoises, par Montaiglon, t. x, p. 20.
