Page:Rabelais marty-laveaux 03.djvu/286

278

epistre dv lymosin.

---

Que l’œil qui l’a absenté d’vn seul iour,
Tout esgaré se trouue à son retour :
Pensant à veoir vn nouuel edifice,
Dont la matiere est plus que l’artifice.
Or (pour redir au premier proposite)
Il n’est decent que tu te disposite,
Tant que l’hiberne aura son curse integre,
De relinquer l’opime, pour le maigre.
Puis que bien stas (grâce au souuerain Ioue)
Nous t’exhortons que de là ne te moue,
Si tu ne veux veoir tes aures vitales
Bien tost voller aux Parques, & Fatales :
Car cest air est inimice mortel
D’vn iouuenceau delicat & tenel :
Mesme en ce temps glacial, qui transfere
La couleur blonde en nigre & mortifere.
Estans incluz es laques, & nemores :
A peine auons pour pedes, & femores
Callifier, vn pauure fascicule.
Conclusion, tout aise nous recule.
Et si n’estoit quelque proximité,
Que nous auons à la grande cité,
Où nous pouuons aller aliques vices,
Pour incomber aux iucunds sacrifices
De Genius le grand Dieu de nature :
Et de Venus (qui est sa nourriture)
De rester vifz nous seroit impossible
Vn hebdomade : ou bien sain, & habile
Seroit celuy qui pourroit eschapper.
Que febre à coup ne le vint atrapper.
Voy par cela, quelle est la difference
Du tien seiour en mondaine plaisance,
Et de la vie amere & cruciée
Que nous menons : tousiours associée