est machinée par conuenance de Mercure auec Saturne, &c. Mais ce sont secrets du conseil estroit du Roy eternel, qui tout ce qui est, & qui se fait, modere à son franc arbitre & bon plaisir. Lesquels vaut mieux taire & les adorer en silence, comme est dit Tob. xij. C’est bien fait de receler le Secret du Roy. Et Dauid le Prophete, psal. lxiiij. selon la lettre Chaldaïque, Seigneur Dieu, silence t’appartient en Sion, & la raison il dit psal. xvij. Car il a mis sa retraite en tenebres. Dont en tous cas il nous conuient humilier, & le prier, ainsy que nous a enseigné Iesus Christ nostre Seigneur, Que soit fait non ce que nous souhaitons & demandons, mais ce que luy plaist, & qu’il a estably deuant que les cieux fussent formez. Seulement que en tout & par tout son glorieux nom soit sanctifié. Remettans le pardessus à ce qu’en est escrit es Ephemerides eternelles, lesquelles n’est licite à homme mortel traiter ou cognoistre, comme est protesté, Act. i. Ce n’est pas à vous de cognoistre les temps & momens, que le Pere a mis en sa puissance. Et à cette temerité est la peine interminée par le Sage Salomon, Prouerb. 25. Qui est perscrutateur de sa Maiesté, sera opprimé de la mesme, &c…
Page:Rabelais marty-laveaux 03.djvu/264
Le texte de cette page a été corrigé et est conforme au fac-similé.
256
almanach povr l’an 1533.
