d’importance. Pareillement ces petites noisettes, ces riottes qui par certain temps sourdent entre les amans, sont nouueaulx refraischissemens, & aiguillons d’amour. Comme nous voyons par exemple les coustelleurs leurs coz quelque foys marteler, pour mieulx aiguiser les ferremens. C’est pourquoy ie prens ces troys sors à mon grand aduantaige. Aultrement i’en appelle. Appeller (dist Pantagruel) iamais on ne peult des iugemens decidez par Sort & Fortune, comme attestent nos antiques Iurisconsultes : & le dict Balde. L. vlt. C. de leg.[1] La raison est : pource que Fortune ne recongnoist poinct de superieur, auquel d’elle & de ses sors on puisse appeller. Et ne peult en ce cas le mineur estre en son entier restitué, comme apertement il dict in L. Ait prætor. §. vlt. ff. de minor.
- ↑ Il y a une petite confusion : ce n’est pas au titre De legibus, mais dans celui qui précède, De episc. audien., qu’il est question de cas où l’on ne peut appeler. Quant à la loi Ait prætor (l. 15), elle est citée à propos.
