Le texte de cette page a été corrigé et est conforme au fac-similé.
48
le tiers livre.
conſydera en eſprit contemplatif, que peu de ſoing avoit du pacquet & baſton commun de leur mariage, veu qu’il ne l’armoit que de mailles, & feut d’aduis qu’il le muniſt treſbien & gabionnaſt d’vn gros armet de iouſtes, lequel eſtoit en ſon cabinet inutile. D’icelle ſont eſcriptz ces vers on tiers liure du Chiabrena des pucelles[1].
Celle qui veid ſon mary tout armé,
Fors la braguette aller à l’eſcarmouche,
Luy diſt. Amy, de paour qu’on ne vous touche,
Armez cela, qui eſt le plus aymé.
Quoy ? tel conſeil doibt il eſtre blaſmé ?
Ie diz que non : Car ſa paour la plus grande
De perdre eſtoit, le voyant animé,
Le bon morceau, dont elle eſtoit friande.
Deſiſtez doncques vous eſbahir de ce nouueau mien acouſtrement.
