Page:Rabelais marty-laveaux 02.djvu/189

Comment par Pantagruel & Panurge est Triboullet blasonné^[1].

Chapitre XXXVIII.

Donnant mon ame (respondit Panurge) ie le veulx. Il m’est aduis que le boyau m’eslargit. Ie l’auois nagueres bien serré & constipé. Mais ainsi comme auons choizy la fine creme de Sapience pour conseil, aussi vouldrois ie qu’en nostre consultation præsidast quelqu’vn qui feust fol en degré souuerain. Triboulet (dist Pantagruel) me semble competentement fol. Panurge respond. Proprement & totalement fol.

.pantagrvel.

$\left\{{\begin{matrix}\\\\\\\\\\\\\\\\\end{matrix}}\right.$

Pantagruel f. fatal[2]. f. de nature. f. Iouial. f. Mercurial. f. Lunaticque. f. erraticque. f. ecentricque. f. æteré & Iunonien.

.panvrge.

$\left\{{\begin{matrix}\\\\\\\\\\\\\\\\\\\end{matrix}}\right.$

Pa. f. de haulte game. f. de b quarre & de b mol. f. terrien. f. ioyeulx & folastrant. f. iolly & folliant. f. à pompettes. f. à pilettes. f. à sonnettes. f. riant & Venerien.

1. Les litanies burlesques qui suivent semblent empruntées aux usages de nos anciennes sociétés bouffonnes. Le Cry du Ieu du prince des Sotz de Gringore (Bibl. elzév., t. I, p. 201) commence ainsi :

   Sotz lunatiqnes, Sotz estourdis, Sotz sages,
   Sotz de villes, de chasteaulx, de villages,
   Sotz rassotez, Sotz nyais, Sotz subtilz,
   Sotz amoureux, Sotz priuez, Sotz sauuages.

   Voyez aussi : Roger de Collerye, Bibl. elzév., p. 271-275 ; Anciennes poësies françoises, Bibl. elz,, t. I, p. II, et t. III, p. II.

2. Et Fol iusque à la haute Game.

   (Clém. Marot, Épitaphe vi, De Iouan Fol de ma Dame)