c. de Ratepenade.
c. de petarrade.
c. hallé.
c. dessiré.
c. hebeté.
c. cornant.
c. appellant.
c. barré.
c. assassiné.
c. deualizé.
c. anonchaly.
c. de matasain.
c. badelorié.
c. deschalandé.
c. Maussade.
c. acablé.
c. assablé.
c. desolé.
c. decadent.
c. solœcisant.
c. mince.
c. vlecré.
c. bobeliné.
c. engourdely.
c. aneanty.
c. de zero.
c. frippé.
c. febricitant.
Couillonnas au diable, Panurge mon amy : puys qu’ainsi t’est prædestiné, vouldroys tu faire retrograder les planetes ? demarcher toutes les sphaeres celestes ? propouser erreur aux Intelligences motrices ? espoinder les fuzeaulz, articuler les vertoilz, calumnier les bobines, reprocher les detrichoueres, condempner les frondrillons, defiller les pelotons des Farces ? Tes fiebures quartaines, Couillu. Tu ferois pis que les Geants. Vien ça, couillaud. Aimerois tu mieulx estre ialous sans cause, que coqu sans congnoissance ? Ie ne vouldrois (respondit Panurge) estre ne l’vn ne l’autre. Mais si l’en suys vne fois aduerty, ie y donneray bon ordre, ou bastons fauldront on monde. Ma foy, frere Ian, mon meilleur sera poinct ne me marier. Escoute que me disent les cloches à ceste heure que sommes plus pres. Marie poinct, marie poinct, poinct, poinct, poinct, poinct. Si tu te marie : marie poinct, marie poinct, poinct, poinct, poinct, poinct : tu t’en repentiras, tiras, tiras : coqu
