Item avecq maistre Job Verat, lequel… a ait ne scavoir aultre de la vie de lad. Françoise sinon quil a ouy dire a aulcangs quelle est suspecte deregerie, ce quil ne scait pour ne lavoir frequentee ny la cognoistre aultrement sinon que quelque fois elle sest adressee a luy pour luy demander dargent a emprompter, ce quil luy a fait a deux diverses fois, et a receu lannee passée et ceste cy du vin delle en paiement ou bien en dequction. Dit en oultre que lad. Françoise luy apporta il y a quelque temps certaines poyres et raisins, lesquelz il ne voulut recepvoir ny permettre que aulcung ses domesticques les receussent. Et aultre na dit.
(f. 20R) Avecq Clauda femme de Pierre Duc pouldrier, laquelle … a dit ne scavoir aultre de la vie, fame et renommee de lad. Françoise, sinon que cest une femme qui avoit par plusieurs fois des noyses en sa maison avecq son beaufilz et sa belle fille, mais ne scait a qui cest que tenoit et dou telles noises venoient. Et aultre na dit.
Avecq Loyse femme de no. François Paquet, a laquelle ayant esté demandé si elle cognoit la Françoyse Chevallier et si elle se souvient coinct que lad. Chandelliere aye jamais lavé point de puyee vers les Eaux Vives aupres de la sienne et qualhors elle aye heu facherie avecq une de ses ouvrieres. A dit quil est vray quelle cognoit lad. Chandelliere, mais nest records de laver (sic) veu laver de la buyee aupres la sienne ny entendu quelle aye heu aulcungs propos avecq poinct de ses ouvrieres, daultant quelle inquise ny alloit pas quant ilz la lavoient, ains seullement quant on la vouloit rapporter. Et aultre na dit.
(f. 20V) (Informations prises à Genthoud, 4.12.1567)
… Thivent du Bouchet mary de lad. Françoise…, int. quil scait du gouvernement de lad. Françoise sa femme. A dit quil y a environ 50 ans quil a esté conjoinct en mariage avecq lad. Françoise sa femme, pendant lequel temps il na veu ny aperceu aultre delle sinon que en son mesnage elle a esté une femme noiseuse et fiere, pour laquelle chose il la bien battue quelque fois. Et aultre na dit.
Pernette femme de Jehan Paris… a dict quil y a quelques jours sa mere estant venue en leur maison pour la penser
