yeur, et la veue deça de Treynant a la sinagogue avecq Mauris Confla et sa femme Taxe du Burgel, un nommé Lois Lyons (?) et Du Noyer. Et y a environ 8 à 9 anez. Et ly a veu 2 fois. Dit en outre lavoir veu en Chastellanna de nuict avecq la Marguerita et la Claude qui ont esté admenees de Genthoz, et estoit ung peu aupres les limites de ceste cité, et ne la veu allieurs,
Laquelle Françoise a dit nen estre rien et quelle desadvoue tout ce quil a dit.
Remise a continuer,
(f. 3R) (Répétition, 3.12.1567.)
(Elle ne s'est pas ravisée, et nie avoir eu aucun contact avec le diable et les hereges.)
(Le représentant du Procureur Général requiert la torture, qui est ordonnée.)
(f. 3V) Laquelle apres avoir esté liee et eslevee, puys heu une estrapade a demy, lexhortant de dire la verité et ou cest que le diable sa parut a elle, a dit que ce fut a Gentoz, et puys a dit que ce fut au Pré 1Evesque, et despuys a dit que ce fut vers les Eaux Vives, en homme blanc, et luy demanda si ellex se vouloit donner a luy, laquelle luy respondit que non, et sen alla delle. Et encores une aultre fois aud. lieu saparut a elle. Priant la justice quon la deslie et quelle dira la verité.
(Elle ne sait plus quand elle a veu le diable)
Int. si elle a pas esté a la sinagogue et si ça esté de jour ou de nuict. A r. que ce fut au Pré 1Evesque avecq la Du Noyer, de jour. Et puis luy ayant esté remonstré que sy seust esté de jour, on les y neust veu, a dit quelle ne scait doncq quant ce fut.
Remise a continuer a demain au mesme lieu.
(f. 19R) (Informations prises a Genève, 4.12.1567.)
Premierement inquis avecq Jehan Jaques Levrat citoien de Geneve, lequel ayant presté serment de dire verité, int. sil
