Page:Procès criminel 1449 des Archives d'État de Genève.pdf/25

AEG PC 1449

page 25

---

PC 1449 page 25 Laultre repetition de lad. detenue le IXe janrii 1568. Int. si ce quelle a cy devant confessé est pas veritable. R. quouy. Int. de dire ce quelle a confessé. R. quelle a tant peu de souvenance quelle ne sen eut pas souvenir. Int. sil y a long temps que le diable la premierement seduicte. R. quil luy semble que cest des que Boulard estoit chastellain et de ce y a environ 9 ans que le diable lay apparut vers la Ferriere deça du Vengeron venant de ceste ville a Gento entre jour et nuict, estant en homme noir, et lequel sevanuoit subi- tement a cause des gens qui venoient. Apres laultre fois as- cavoir 15 jours ou 3 sepmaines sen revenant de Gento en ceste ville, de matin tote seule, il luy apparut aussy vers lad. Per- riere, luy demandant si elle se vouloit donner à luy. Elle luy demanda qui il estoit. Ayant respondu rue cestoit le diable, elle luy dict quelle ne vouloit poinct avoir afaire avec luy. It des femmes qui venoient apres elle estans survenues, il sesvanouit. Ung moys apres venant encor en ceste ville de matin, le diable luy apparut derechef (f. 15V) et leersecuta lembrassant par les espaules et luy demanda si elle vouloit estre sienne. Elle luy dict que non premierement, puys apres elle dict que ouy, et luy fit renoncer Dieu et sa part de paradis, et prenoit le diable pour son maistre. Ce faict elle le baysa au cul que estoit froid, et luy la marqua et luy fit mal derrier les es- paules en lembrassant, et elle luy promit donner tous les ans une pollaille, ce quelle a faict 2 ans durant, une devant sa maison laultre aupres. Apres il luy bailla 2 florins en monnaie qui se trouva bon, et elle lemploya en ble et fromage et beurre. Item luy bailla une boiste de graisse noyre pour faire mourir des bestes et une aultre boiste de pouldre roussete pour fai- re mourir des gens. int. sus qui elie a ap licque lesd. pouldre et graisse. R. quelle en jecta une fois a la Tactiere de Gento ung an apres laquelle neust point de mal. Int. si elle luy balloit pas a lintention de la faire mourir.