Page:Procès criminel 1449 des Archives d'État de Genève.pdf/18

AEG PC 1449

page 18

---

AEG PC 1449 page 18 Cy ce que Guignard luy a maintenu nest pas vray. R. que non, et quelle ne le cognaust jamais. Qui luy a fait dire que son diable sapelioit Moret et quil lavoit frappee. A dit quelle se repend davoir menty et tout ce qui luy venoit a la bouche, elle le disoit. 217 (f. 11V) Quelle declaire ce quelle dit nestre pas vray et quelle declaire ce de quoy elle se sera souvenu. A dit quelle ne sest de rien souvenu et que Messrs. auront misericorde del- le si leur plaist. Sil nest pas vray quelle a esté a la sinagogue avecq la Ja- quemon, R. que non et quelle ne scait ou la sinagogue se fait. Qui luy avoit parlé de la Perriere. A dit que ce fut elle qui inventa ceste mensonge. Et puys a dict quelle prie quon senquiere delle si elle a fait aulcung mal, tant en ceste no. ville ou elle a frequenté tant en bonnes gens que aussy a Gentoz la ou elle a frequenté. Remise a continuer. (f. 22V) (Informations prises a Genthoud, 2.1.1568) (…) Martin Barbier. Int. quil saait dune vache de poil rouge morte en la maison de no. Guilliaume Chevallier son beaufilz. A dit estre vray quil y a heu 2 ans ce chau temps passé que luy sestant retiré a Versoex, ayant laissé quelques siennes vaches en la bevoge de sond. beaufilz, survint a une dicelles qui estoit de poil rouge une malladie incogneue (touteffois quil nen chargea jamais personne) tellement que lad. vache estoit comme enragee et ne faisoit aultre que bramer, et quant on la laissoit aller elle ne faisoit que courir, et en- viron 7 jours apres telle malladie survenue elle mourut. Laquelle luy inquis avecq Jaques Emery lescorcharent, mais il ne luy trouvarent rien de mal sain. Et aultre na dit. Jaques Emery notre afficier… a dit estre vray quil ayda aud. Barbier a escorcher lad. vache quil tenoit en la bevoge du Sr. Guilliaume Chevallier, laquelle estoit de poil rouge, et avant que mourir il luy vint une malladie incogneue quelle bramoit et hurloit que cestoit pitié de louyr, laquelle mal- ladie elle garda 7 jours puys mourut. Et pendant quelle demeu- ra mallade elle ne mangeoit rien. Et laians escorchee ilz la trouvarent fort saine dans le corps. Et aultre na dit.