Page:Procès criminel 1449 des Archives d'État de Genève.pdf/14

AEG PC 1449

page 14

---

AEG PC 1449 page 14 20 ge fait 2 florins en monoye tant en quartz quen pieces de trois quattz, lequel argent elle emploia, mesmes en paía certain ou- vriere qui luy avoit aydé. Int. si elle nen a receu que ceste fois la. A dit que une aul- tre fois elle receust de luy des feullies qui ressembloient a largent, mais ayant soufflé sur sa main ou elle lavoit mis, il cheurent. Quelle declaire quelle a oultre ce receu de sond. maistre. A confessé quil luy bailla une boicte de graisse noire, laquelle boicte estoit ronde et noire. Que sond. maistre luy dit quelle en fisse. A dit quil luy dit quelle estoit bonne pour faire mal aux bies (sic) et quelle en ballat aux gens et aux bestes pour les faire mourir. Quelle fit de lad. boicte. Dit quelle ne losa mettre dedans sa maison, mais la mit sur la loge ( ?) en une fenestre. Quelle fit de lad. graisse. A dit quelle en essaia la premiere fois sur ung chien, toteffois dit quelle nosa toucher lad. graisse avecq la main, mais en print avecq une ruclette de bois et en mit sur du pain quelle jetta aud. chien, lequel chien senfuit bien viste par le village apres lavoir mangé, et ne scait quil devint. Puys a confessé que une aultre fois elle en essaia sur une va- che de poil rouge du Sr. Guilliaume Chevallier de Centoz, il ya environ 2 ans, et len mit aussy avecq une ruclette sur leschine, et fit cela a cause de certaines chevres que led. Chevallier luy avoit levees, a cause de quoy ilz sestozient courroucés ensemble, laquelle vache mourut comme elle enten- dit a Geneve ou elle sestoit retiree. Sielle en a baillé a poinct de personnes. A dit que une fois, estant vers les Eaux Vives ou ilz lavoient leur buyee, estantz aupres de la buyee de la Paquette, elle sestant courroucee avecq une femme nommee Pernette quil demeuroit vers la hag- daleyne qui aydoit a la buyee de lad. Paquette a cause que lad. Pernette estendoit ses drapeaux trop pres de ceux delle, elle luy jetta de lad. graisse dessus avecq la main. Int. combien de temps il y a. A dit quil y a environ 2 ans et demy.