Page:Poullain de La Barre - De l’égalité des deux sexes, seconde édition.djvu/204

qu’on en fait, ſont auſſi parfaites & auſſi nobles les unes que les autres, elles ſont auſſi également honneſtes, eſtant conſiderées de la méme façon. C’eſt pourquoy l’on peut dire que les regards d’honneſteté & de deſhonneſteté ſont preſque tous dans leur origine, les effets de l’imagination, & du caprice des hommes. Cela paroiſt en ce qu’une choſe qui eſt honneſte en un païs, ne l’eſt pas l’autre ; & que dans un méme Royaume, mais en divers temps ; ou bien en un méme temps, mais entre des perſonnes d’état, de condition & d’humeur differente, une méme action eſt tantoſt conforme, tantoſt contraire à l’honneſteté. C’eſt pourquoy l’honneſteté n’eſt autre choſe que la maniére d’uſer des choſes naturelles, ſelon l’eſtime que les hommes en font,