les lierres , dont les femmes sont couvertes en telles ceremonies , et hors des vans sacrez qu'elles y portent, et s'entortillants à l'entour des javelines qu'elles tiennent en leurs mains, et des chappeaux q' elles ont sur leurs testes , espouvantoyent les hommes.
Ce neantmoins depuis que Philippus eut veu ceste vision , il envoya Chasron Megalopolitain à l'oracle d Apollo, en Delphes, pour enquerir que ce pouvoit eftre , & ce qu'il debvoit faire : où il luy feut respondu , qu'il sacrifiast à Jupiter Hammon , et qu'il le reverast sur tous les austres dieux , mais qu'il perdit l'un de ses yeulx , celuy qu'il avoit meis à la fente de l'huis de sa chambre, lorsqu'il veit ce dieu en forme de serpent couché auprès de sa femme. Et Olympias ainsy comme escript Eratosthenes , disant adieu à son fils , lorsqu'il se partit pour aller à la conqueste de l'Asie , après luy avoir revelé à luy seul en secret , de qui, et comment elle l'avoit conceu , le pria et admonesta de prendre courage digne de celuy qui l'avoit engendré.
Les austres au contraire disent qu'elle detesta ce conte-là , en disant , Alexandre ne cessera-il point de me rendre suspecte à la deesse Juno , en la faisant jalouse de moy ? tant y a , comment Temple d'Ephese brûlé le 6 de Juin: Hegesias, mauvasi historien qu'il en soit , qu'Alexandre nasquit le sixiesme jour de juin , que les Macedoniens appellent Lous : auquel jour propre feut bruslé le temple de Diane en la ville d'Ephese, comme tesmoigne Hegesias Magnesien , qui en faict une
