Le texte de cette page a été corrigé et est conforme au fac-similé.
139
néphélococugie
Que vous verrez en ce lieu où nous sommes
Venir bientost la plus grand’part des hommes
Vous demander le plumage pour eux
D’un beau Cocu dont ilz sont amoureux.
Genin
Nous sommes prestz de les recepvoir ores
Et leur donner des ailles et encores
Un mesme honneur, semblable dignité,
Mesmes creditz et mesme autorité.
Sus, que quelqu’un s’en coure et qu’il apporte
Des paniers pleins d’ailles de nostre sorte
Pour emplumer ceux qui auront vouloir
D’estre Cocus et leur figure avoir.
ODE
Chœur
Lors que Pindare nous chante
Une grand’ville, il la vante
Pleine de beaucoup de gens :
Ainsi nostre ville aymée
Pleine de gens soit nommée,
ALLOEOSTROPHE I
Genin
Qu’on se despesche et que plus on n’attende
De m’apporter cela que je demande.
AUTRE ODE
Chœur
Les amours de nostre ville
Captivent l’homme serville
Captivent l’homme serville
