Le texte de cette page a été corrigé et est conforme au fac-similé.
89
néphélococugie
Car sans luy qui nous favorise,
Seroit inutil nostre effort :
En son honneur seul est bastie
Nostre Nephelococugie,
Et doresnavant seront siens
Les Nephelococugiens,
Qui estantz faictz Princes du monde,
De l’air, de la terre et de l’onde,
Le mettront en pareil honneur,
Qu’a Jupiter sur la machine ;
Si Jupiter au Ciel domine,
ALLOEOSTROPHE IV
Genin
Arreste, arreste, afin que tu allumes
Ton encensoir, et que tu le parfumes
De bon encens, de tous costez semant
Leur bonne odeur qui flaire sœfvement.
EPODE
Coqu-Mitré
Entendz, Coquard, à ma voix,
En quelque part que tu sois
Et reçoy nostre priere ;
Ayde-nous de ton pouvoir
Et nous fay maintenant voir
Ta grand bonté coustumiere ;
D’encens nous te parfumons,
