LETTRE DE DU GUESCLIN À FELLETON
J’ai veu unes lettres que escrites m’avez, contenant la fourme qui s’ensuit :
« Mons Bertrand Du Guerclin, j’ay entendu, par Jean le Bigot, vostre ecuyer, que vous avez ou devez avoir dit que si nul homme vourroit dire que vous n’aurez bien et loyalement tenus vos hostages à cause du traictié de la paix de Bretaigne, en la manière que vous l’aviez promis, le jour que monsieur de Montfort, duc de Bretaigne, et monsieur Charles de Blois, avoient emprins de combatre ensemble sur la querelle de Bretaigne, et que vous n’étiez tenus de tenir hostages, fors un mois tant seulement, vous voudriez défendre devant vos juges. Sur quoi je vous face assavoir que vous promites audit jour, par la foy de votre corps, et entrastes hostage, que vous devriez demorer sans y départir, jusques à tant que la ville de Nantes seroit rendue audit monsieur de Montfort, duc de Bretaigne, ou que vous auriez congié de mondit seigneur ; laquelle foi et hostages vous n’avez bien loyalment tenue, ains faussement l’avez faillie et de ce suis prest à
