Montgommery et vidame de Chartres, comme rebelles, atteints et convaincus de crime de leze-majesté ; et le mesme jour furent mis en effigie. L’arrest aussi portoit promesse de cinquante mille escus à celuy qui livreroit l’Admirai au Roy et à la justice, soit estranger ou son domestique, avec abolition du crime par luy commis s’il estoit adherant ou complice de sa rebellion ; lequel arrest fut depuis, à la requeste du procureur general, interpreté, mort ou vif, pour oster le doute que ceux, qui voudroient entreprendre de le representer en pourroient avoir : arrests que quelques politiques estimoient estre donnez à contre temps, et qui servoient plustost d’allumettes pour augmenter le feu des guerres civiles, que pour l’esteindre, estant leur party trop fort pour donner de la terreur par de l’encre et de la peinture, à ceux qui n’en prenoient point devant des armées de trente mille hommes, et aux plus furieuses charges des combats, comme ils firent bien paroistre lors que nostre armée deslogea ; car la leur la nuit mesme la suivit de si près, que, sans la vigilance de Biron à faire retirer l’artillerie à force de bras, outre les chevaux qu’on y employa, et la bonne conduite de Tavannes à faire passer l’armée en diligence, et loger fort à propos trois regimens au port de Piles pour garder le passage, et arrester les forces que l’Admiral y envoyoit, comme ils firent, attendant que nostre armée fust logée à La Celle, sans doute le
tuer Coligny ; mais, n’ayant pu en trouver l’occasion, il s’attacha à de Mouy, l’un des officiers les plus distingués de l’armée protestante ; et, comme on le verra bientôt, il lui tira un coup de pistolet dans le désordre d’un combat. C’est ce même Maurevert qui, en 1572, blessa l’Amiral d’un coup d’arquebuse, deux jours avant le massacre de la Saint-Barthélemy.
