tenir, et que son conseil n’avoit pas bien recogneu ses forces et moyens de luy faire envoyer ung Hérault pour contraindre et gehenner sa conscience ; car quand il y viendra luy-mesme avec cinquante mille hommes, qu’il y prouffictera aussi peu que son herault. De quoy l’Empereur s’irrita si fort, qu’il dressa une armée en peu de temps si grande, qu’il rangea ce puissant duc à l’extrémité que nous avons dicte, et tousses associez, jusques à luy demander à genoulx pardon et la vie quant et quant, qui luy fut remise par l’intercession de cinq ou six grandes princesses d’Allemaigne ses parentes, de tous les potentats et villes franches de l’Empire.
Et ayant séjourné là deux jours, M. de Vieilleville print congé d’eulx, après leur avoir faict payer leurs pensions, qui estoient de quatre mille escus par an à chacun, que le roy Henry second ordonna leur estre payée par commisération de prince à prince, estants si povres, toutesfois delà plus ancienne race de l’Europe, de laquelle estoit sorti Charlemaigne, roy de France, et par conséquent tous nos roys -, car par l’arbre de France il se void qu’ils sont descendus de ce Charlemaigne, et, pour cesle seule considération, les graliffioit de ce petit moyen.
Au partir de Vymarch, nous prismes le chemin de la ville de Ulme, sur la rivière fameuse du Danube. Les habitants de laquelle nous receurent fort cordialement, avec courtoisies infinies ; et s’enquerant M. de Vieilleville du chemin pour aller à Cassel, devers le landgraff de Hessen, en ung très-fort chasteau sien, où il faisoit sa résidence ordinaire, le bourguemaistre d’Ulme le divertit d’y aller à cause de la longueur et
