gent. Et Guillelmes del Perchoi fû abatuz et remontez, et fu rescous. Ne porent céle fo le soffrir, si furent desconfiz li Franc. Là fu pris Tyerris de Los, et navrez parmi le vis en aventure de mort. Là fu pris de soa gent avec lui que peu en eschapa. Et Guillelme del Perchoi en eschapa sor un roncin, navrez en la main. Et ensi se recuillérent el mostier Sainte Sophye cil qui en eschapérent de la desconfiture. Cil qui ceste histoire traita ne sçeut s’il fu à torz ou à droit, més il en oï un chevalier blasmer, qui avoit à nom Ansols de Remy, qui ére hom lige Tyerri de Los le seneschal, et chevetaine de sa gent, et le guerpi ; et lors pristrent un message cil, et fû à Nichomie au mostier Sainte Sophie retorné Guillelmes del Perchoi et Ansols de Remi. Et l’en envoiérent batant en Constantinople à l’empereor Henri, et li mandérent qu’ensi ére avenu que pris ére le seneschaus et sa gent, et il estoient assis au mostier Sainte Sophie à Nichomie, et n’avoient mie viande à plus de cinq jors, et seust de voir que se il ne secoroit, que il estoient et morz et pris.
249. L’Emperéres autre cùm acri passe le braz. Sain George, il et sa gent, qui ainz ainz, qui mielz mielz, et pour secore cels de Nichomie. Et ensi fu remesse la voie d’Andrenople à cele foiz. Et quant l’Emperéres ot passé le braz Sain George, si ordena ses batailles, et chevaucha par ses jornées tant que il vint à Nichomie. Quant la gent Toldres Lascres
