Cette page a été validée par deux contributeurs.
PREFACE.
Dieu le toucha de telle ſorte, qu’il luy fit comprendre parfaitement que la Religion Chreſtienne nous obligne à ne vivre que pour luy, & à n’avoir point d’autre objet que luy. Et cette verité luy parut ſi évidente, ſi utile, & ſi neceſſaire, qu’elle le fit reſoudre de ſe retirer, & de ſe dégager peu à peu de tous les attachemens qu’il avoit au monde pour pouvoir s’y appliquer uniquement.
Ce deſir de la retraitte & de mener une vie plus Chreſtienne & plus reglée luy vient lors qu’il eſtoit encore fort jeune ; & il le porta dés lors à quitter entierement l’étude des ſciences prophanes, pour ne s’appliquer plus qu’à celles qui pouvoient contribuer à ſon ſalut & à celuy des autres. Mais
