Cette page a été validée par deux contributeurs.
PREFACE.
me ſinguliere qu’il avoit pour la Religion faiſoit que non ſeulement il ne pouvoit ſouffrir qu’on la vouluſt détruire & anneantir tout à fait, mais meſme qu’on la bleſſaſt et qu’on la corrompiſt en la moindre choſe. De ſorte qu’il vouloit declarer la guerre à tous ceux qui en attaquent ou la verité ou la ſainteté ; c’eſt à dire non ſeulement aux athées, aux infidelles, & aux heretiques qui refuſent de ſoûmettre les fauſſes lumieres de leur raiſon à la foy, & de reconnoiſtre les veritez qu’elle nous enſeigne ; mais meſme aux Chreſtiens & aux Catholiques, qui eſtans dans le corps de la veritable Egliſe ne vivent pas neanmoins ſelon la pureté des maximes de l’Evangile qui
