ne le charge pas de toute ne de taille, se ce n’est pour ta grant necessité.
Ne convoite pas sus ton peuple : voilà comme il n’y était pas. 755. Quant li bon roy ot enseignié son fil mon signour Phelippe, l’enfermetés que il avoit commença à croistre forment ; et demanda les sacremens de sainte Esglise, et les ot en sainne pensée et en droit entendement, ainsi comme il aparut : car quant l’on l’enhuiloit et on disoit les sept pseaumes, il disoit les vers d’une part.
756. Et oy conter mon signour le conte d’Alençon, son fil, que quant il aprochoit de la mort, il appela les sains pour li aidier et secourre, meismement mon signour saint Jaque, en disant s’oroison, qui commence : Esto, Domine ; c’est à dire, « Diex, soyez saintefierres et garde de vostre peuple. » Mon signour saint Denis de France appela lors en s’aide, en disant s’oroison qui vaut autant à dire : « Sire Diex, donne-nous que nous puissons despire la prosperitei de ce monde, si que nous ne doutiens nulle adversitei. »
757. Et oy dire lors à mon signour d’Alençon (que Diex absoille !) que ses peres reclamoit lors ma dame sainte Genevieve. Après, se fist li sains roys couchier en un lit couvert de cendre, et mist ses mains sus sa poitrine, et en regardant vers le ciel rendit à nostre Createour son esperit, en celle hore meismes que li Fiz Dieu mourut pour le salut dou monde en la croiz.
